បុរសម្នាក់រស់នៅខេត្តចេងចូវ ប្រទេសចិន បានធ្វើឲ្យមនុស្សជាច្រើនភ្ញាក់ផ្អើលផង កោតសរសើរផង បន្ទាប់ពីយកកាក់ និងក្រដាសប្រាក់ដែលខំសន្សំជាយូរឆ្នាំ ទៅទិញរថយន្តថ្មីមួយគ្រឿងម៉ាក Toyota Prado ទើបបកពីកេស។ បុរសខាងលើត្រូវគេស្គាល់ថា ជាម្ចាស់ហាងធ្វើនំមួយកន្លែងឈ្មោះថា Guo។ បុរសនេះបានយកប្រាក់ទិញរថយន្តតម្លៃ ១០ ម៉ឺនយ៉ាន់ ឬស្មើប្រមាណ ១៤ ៥៦០ ដុល្លារ ជាមួយក្រដាស ១ យ៉ាន់ កាក់ ១០ សេន និង ៥០ សេន ដាក់ចូល ១០ ស្បោង និងកេស។
ទោះបីជាបុគ្គលិកហាងស្រឡាំងកាំងចំពោះកាក់ និងក្រដាសប្រាក់ដ៏ច្រើនទាំងនេះក្ដី តែពួកគេមិនបានបដិសេធមិនទទួលនោះទេ ដោយអ្នកទាំង៤ បានចំណាយពេលរាប់មិនតិចជាង ១២ ម៉ោងឡើយ៕
Comments
Post a Comment